Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Kamal Abdulla akademik seçildi
Tarix: 08-05-2016 | Saat: 11:42
Bölmə:Karusel / Gündəm / M2 | çapa göndər

Kamal Abdulla akademik seçildi
Məşhur yazıçı publisist, dramaturq, akademik Kamal Abdulla Türk Dünyası Araşdırmaları Beynəlxalq Elmlər Akademiyasının həqiqi üzvü-akademiki seçilib.

Azərbaycan Yaradıcılıq Fondundan Trend-ə verilən məlumata əsasən, Akademiyanın Rəyasət Heyətinin bu il aprelin 27-də keçirilmiş iclasında Kamal Abdullanın türk dünyası qarşısında müstəsna xidmətləri, türk dilli ədəbiyyatın tədqiqi və zənginləşdirilməsi sahəsində böyük elmi-praktik fəaliyyəti nəzərə alınaraq bu məşhur elm ocağının akademiki seçilməsi haqqında yekdilliklə qərar qəbul edilib.

Türk Dünyası Araşdırmaları Beynəlxalq Elmlər Akademiyası türk dünyasında və türk toplumlarının yaşadığı ölkələrdə türk dilini, tarixini, mədəniyyətini öyrənmək, araşdırmaq və yaymaq məqsədi ilə yaradılmış beynəlxalq elmi qurumdur.

Hazırda akademiyanın ABŞ, Fransa, İtalya, İngiltərə, Almaniya, Belçika, Rumıniya, İsveçrə, Hollandiya, İran, Rusiya, Suriya, İordaniya, Misir, Ukrayna, Iraq, Türkmənistan, Özbəkistan, Qazaxıstan, Qırgızıstan, Bolqarıstan, Moldova, Kosova, Makedonya, Yunanıstan, Çin kimi ölkələrdə rəsmi təmsilçilikləri var. Türk dünyasının məşhur elm adamları, yazıçı və şairlərinin bütün dünyada tanıdılması və təbliği Akademiyanın ən önəmli vəzifələrindəndir.

"Unutmağa kimsə yox", "Qəribədi, deyilmi?!", "Kədərli seçmələr", bir çox xarici dillərə, o cümlədən Türkiyə türkcəsinə tərcümə edilmiş "Yarımçıq əlyazma", "Tarixsiz gündəlik", "Sehrbazlar dərəsi", "Labirint" və s. əsərləri ilə dünya şöhrəti qazanmış Kamal Abdulla yaradıcılığı qardaş Türkiyədə maraqla izlənilir, onun "Kitabi Dədə Qorqud" eposu ilə bağlı araşdırmaları türk ədədbiyyat tarixçilər və etnoqraflarının ən çox müraciət etdikləri əsərlər sırasındadır.

Görkəmli dilçi alim, Türk Dünyası Araşdırmaları Beynəlxalq Elmlər Akademiyasının akademiki, professor-doktor Tuncer Gülənsoy Kamal Abdullanı hələ 1986-cı ildən tanıdığını və onun yaradıcılığını maraqla izlədiyini bildirib. Onun fikrincə, türk xalqları ədəbiyyatına, dilçiliyinə özünəməxsus dəst-xətt, yeni nəfəs gətirən akademik K. Abdulla heç nə yazmasaydı belə, "Kitabi-Dədə Qorqud" araşdırmaları ilə türk dünyası tarixində ən fəxri yerlərdən birini tutmağı haqq edən sənətkardır. Onun bədii yaradıcılığı isə hələ də özünün konstruktiv, obyektiv tənqidçilərini araşdırmaçılarını gözləyir. Türkiyədə də Kamal Abdulla nəsrinə, fəlsəfəsinə və yaradıcılıq dəst-xəttinə maraq gündən-günə artmaqdadır.


Xəbəri paylaş

7028 dəfə oxunub.

Digər xəbərlər
bütün xəbərlər
____ Instagram ___