İlham Quliyevdən böyük uğur - Türkiyədə

İlham Quliyevdən böyük uğur - Türkiyədə
Tarix: 06-05-2016 | Saat: 19:01
Bölmə:Karusel / Gündəm / M2 | çapa göndər

Azərbaycan kənd təsərrüfatı nazirinin müvani İlham Quliyevin başçılıq etdiyi nümayəndə heyəti 4-6 may 2016-cı il tarixlərində Türkiyənin Antalya şəhərində keçirilən BMT-nin Ərzaq və Kənd Təsərrüfatı Təşkilatının (FAO) Avropa üzrə 30-cu Regional Konfransında iştirak etmək məqsədilə Türkiyədə səfərdə olub.

Kənd Təsərrüfatı Nazirliyindən "Xəbəraz.az "-a verilən məlumata görə, konfransın gündəliyinə təşkilatın Avropa və Mərkəzi Asiya regionu üçün növbəti iki il üzrə əsas fəaliyyət istiqamətlərinin, prioritetlərin müəyyən edilməsi və 2016-2017-ci illər üzrə İş Proqramı və Büdcə layihəsinin müzakirə edilməsi, həmçinin FAO-nun region üzrə desentralizasiya siyasəti (ölkə ofisləri) üzrə debatların aparılması daxil edilib.

İ.Quliyev FAO-nun Avropa üzrə 30-cu Regional Konfransının sədr müavini seçilib.

Nazir müavini konfrans çərçivəsində 4 may tarixində keçirilmiş "Davamlı İnkişaf Məqsədləri və onların Avropa və Mərkəzi Asiya regionunda kənd təsərrüfatı və kənd ərazilərinin inkişafına təsiri" və "2016-cı il Paxlalı Bitkilərin Beynəlxalq İli zəminində Avropa və Mərkəzi Asiyada balanslaşdırılmış qidalanma və sağlam ərzaq sistemlərinin yaxşılaşdırılmasında paxlalı bitkilərin rolu" mövzularında nazirlərin "dəyirmi masa"sında iştirak edib və mövzu ilə əlaqədar çıxış edib.

Mayın 5-də BMT-nin FAO-nun baş direktoru Joze Qratsiano da Silva ilə Azərbaycan nümayəndə heyətinin görüşü olub.

Görüşdə baş direktor Azərbaycan hökuməti ilə FAO arasında əməkdaşlığın daha da gücləndirilməsində Heydər Əliyev Fondunun prezidenti Mehriban xanım Əliyevanın dəstəyini xüsusi vurğulayıb.

J.Silva FAO-nun Azərbaycanda Tərəfdaşlıq və Əlaqələndirmə ofisinin açılmasını və Tərəfdaşlıq Proqramının yaradılmasını əməkdaşlığın yeni mərhələsinə qədəm qoyulması kimi qiymətləndirib və bu işdə Azərbaycan hökumətinin, xüsusilə Kənd Təsəsrüfatı Nazirliyinin dəstəyini yüksək dəyərləndirib.

İ.Quliyev ölkədə aqrar sahədə və ərzaq təhlükəsizliyinin təmin edilməsində qazanılan nailiyyətlərdən, aparılan islahatların verdiyi müsbət nəticələrdən və fermerlərə dövlət dəstəyinin ildən-ilə artmasından danışıb. Baş direktor FAO ilə Azərbaycan arasında Cənub-Cənub əməkdaşlığının inkişaf etdirilməsi, o cümlədən Azərbaycanlı mütəxəssislərin iştirakı ilə regionda Dayanıqlı İnkişaf Məqsədlərinə (SDG) nail olunmasının dəstəklənməsi məqsədilə Azərbaycanın aqrar sahədə əldə etdiyi uğurlu təcrübələrin başqa ölkələrdə tətbiqinin vacibliyini qeyd edib.

Nümayəndə heyəti Regional Konfrans həftəsi çərçivəsində regionun üzv ölkələrindən olan nümayəndə heyətləri və müşahidəçilər arasında fikir mübadiləsi və müzakirələr platformasını təmin etmək məqsədilə keçirilən bir sıra paralel tədbirlərdə iştirak edib.

Tədbirdə FAO-nun Avropa və Mərkəzi Asiya Regionuna daxil olan 54 üzv ölkəsinin, Avropa Komissiyası kimi üzv təşkilatın yüksək səviyyəli rəsmiləri iştirak ediblər. Bununla yanaşı, BMT-nin digər təşkilatları, bir sıra hökumətlərarası və beynəlxalq qeyri-hökumət təşkilatları müşahidəçi qismində tədbirə qoşulub.

Xəbəri paylaş

6368 dəfə oxunub.

Digər xəbərlər

16-07-2020, 21:47 Düşmənə məxsus kazarma məhv edilib - VİDEO

1-03-2022, 21:42 “Müharibəni dayandır, Ukraynadan çıx” - NATO-dan Putinə çağırış

8-07-2021, 12:33 Bu FOTO ilə məşhurlaşan süpürgəçi niyə işdən çıxarılıb?

4-05-2017, 12:52 Ər arvadını baltaladı-Ucarda

26-08-2015, 01:15 Həyat yoldaşı Gülben Ergeni belə təbrik etdi - Foto

14-05-2022, 10:12 Xüsusi təyinatlı komandirlər... - Əfsanəvi zabitlər kimlərdir? - FOTO

3-04-2016, 10:08 İŞİD-in 1500-dək məhbusun saxlanıldığı yeraltı həbsxanası aşkarlandı

28-01-2019, 14:09 "Acuna hələ də heyranam" -Şeyma

24-09-2020, 18:17 Nikolun təxribatçı fəaliyyəti... - Rəsmi Bakı faktlar qoydu