Hesablama Palatası dövlət qurumlarını qınadı

Hesablama Palatası dövlət qurumlarını qınadı
Tarix: 30-04-2016 | Saat: 18:24
Bölmə:Karusel / Siyasət / M2 | çapa göndər

Şirift ölçüsü:

Azərbaycanda bir sıra dövlət qurumları, o cümlədən Standartlaşdırma, Metrologiya və Patent üzrə Dövlət Komitəsi, “Azərenerji” ASC, Milli Arxiv İdarəsi və Xızı rayon İcra Hakimiyyətinin rəhbərliyi büdcə vəsaitinin artıq və səmərəsiz istifadəsinə yol vermiş əməkdaşları ilə bağlı intizam tənbeh tədbirlərini ümumiyyətlə tətbiq etməyib. Bu isə gələcəkdə nöqsanların təkrarlanması riskini artırır.

Report xəbər verir ki, bu barədə Hesablama Palatasının 2015-ci ildəkı fəaliyyəti haqqında hesabatında göstərilib.

Palata hesabatında qeyd edir ki, Dövlət Sosial Müdafiə Fondu (DSMF) üzrə müəyyən vəsaitin də ödənilməsi təmin edilib: "Dövlət büdcəsi ilə yanaşı DSMF üzrə aparılmış nəzarət tədbirlərinin nəticələrinə əsasən, 266,0 min manat vəsait Fondun büdcəsinə bərpa edilib, həmçinin, məcburi dövlət sosial sığorta haqları üzrə az hesablanmış 636,9 min manat məbləğində vəsait sığortaedənlərin hesabatlarında əks olunub. Fondun rayon və ya şəhər şöbələri tərəfindən vətəndaşlara ödənişlər üzrə əskik məbləğlərin vətəndaşların hesablarına köçürülməsi təmin edilib və bu, cəmi 13,2 min manat təşkil edib".

İşlərində nöqsanlara yol vermiş 398 şəxslə bağlı qanunvericiliklə müəyyən edilmiş qaydada bir sıra intizam tənbeh tədbirləri ilə bağlı məlumatlar da Hesablama Palatasına təqdim edilib.

Ötən il Palata tərəfindən Azərbaycanın 2014-cü il dövlət büdcəsinin icrası haqqında qanun layihəsinə və büdcənin icrasına dair illik hesabata, 2016-cı ilin dövlət büdcəsi haqqında və DSMF-nin 2016-cı il büdcəsi haqqında qanun layihələrinə rəylər hazırlanaraq Milli Məclisə təqdim olunub. Tərtib edilmiş rəylərdə ilk dəfə olaraq Hesablama Palatasının nəticə və tövsiyələri, həmçinin ümumilikdə 98 təklif və 15 tövsiyə əks etdirilib.

"Ümumilikdə, məlumatların təhlili göstərir ki, audit olunan bəzi qurumların nöqsanların aradan qaldırılması ilə bağlı fəaliyyəti qənaətbəxş olmayıb. Belə ki, hesabat tərtib olunan dövrə Bakı şəhər Mədəniyyət və Turizm İdarəsi və "Azərsu" ASC tərəfindən Hesablama Palatası Kollegiyasının qəbul edilmiş qərarları tam icra edilməyib", - deyə sənəddə qeyd olunub.

Xəbəri paylaş

5758 dəfə oxunub.

Digər xəbərlər

18-09-2022, 09:41 Azərbaycanda tələbə vəfat etdi

28-10-2020, 13:08 “Sona qədər Azərbaycanın yanındayıq” - Hulusi Akar

3-05-2016, 16:48 Pensiyanın orta aylıq məbləği nə qədərdir?

6-07-2015, 20:19 Rəsmi Bakıdan Qarabağa gedən müğənni haqda sərt açıqlama

27-05-2016, 17:06 "Ayfon"ları robotlar istehsal edəcək

13-05-2016, 04:11 Bakının sabiq prokuroru Moskvada dünyasını dəyişdi

26-11-2016, 21:29 Evin havasını dəm qazı və siqaret tüstüsündən təmizləyən bitkilər

18-06-2021, 23:14 Ölkəmizdə hər üç ailədən biri boşanır: Xəyanət əsas səbəbdir – VİDEO

8-05-2016, 00:09 İranda azərbaycanlı deputatın müəmmalı ölümü