Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Bakıda restoranda baş verən silahlı insidentlə bağlı daha bir nəfər həbs edilib
Tarix: 25-04-2016 | Saat: 16:35
Bölmə:Karusel / Gündəm / M2 | çapa göndər

Bakıda restoranda baş verən silahlı insidentlə bağlı daha bir nəfər həbs edilib
Bu gün Səbail Rayon Məhkəməsində Badamdar qəsəbəsindəki “Bulaq” restoranında baş verən silahlı insidentdə yaralanan Fuad Əkbərov barəsində həbs qətimkan tədbiri seçilib.
Bu barədə “Report”a F.Əkbərovun vəkili Ceyhun Yusifov məlumat verib.
Vəkilin sözlərinə görə, F.Əkbərov məhkəməyə təcili tibbi yardım avtomobilində xərəklə gətirilib. Onun barəsində dörd aylıq həbs qətimkan tədbiri seçilib.
Vəkil bildirib ki, F.Əkbərov barəsində Cinayət Məcəlləsinin 182-ci (hədə-qorxu ilə tələb etmə), və 221.3-cü (xuliqanlıq, silahdan və ya silah qismində istifadə edilən əşyaları tətbiq etməklə törədildikdə) maddələri ilə cinayət işi başlanıb.
Qeyd edək ki, cinayət hadisəsi aprelin 20-də Səbail rayonunun Badamdar qəsəbəsində yerləşən “Bulaq” restoranında baş verib. Hadisə zamanı F.Əkbərov və Bəhruz Rəfiyev tapançadan açılan atəş nəticəsində yaralanıb, 30 yaşlı Süleyman Abdullayev isə bıçaqlanıb. Yaralılar Bakıdakı özəl xəstəxanalardan birinə yerləşdirilib. Polis və prokurorluq orqanları əməkdaşlarının həyata keçirdikləri əməliyyat-axtarış tədbirləri nəticəsində paytaxt sakinləri Tofiq Qaramizadə, Hüseyn Hüseynov və B.Rəfiyev tutulub.
Faktla bağlı Bakı şəhər Prokurorluğunda Cinayət Məcəlləsinin 29,120-ci (qəsdən adam öldürməyə cəhd) və 221.2.1-ci (xuliqanlıq, bir qrup şəxs tərəfindən və ya təkrar törədildikdə) maddələri ilə cinayət işi başlanıb, istintaq davam etdirilir.
Aprelin 23-də Səbail Rayon Məhkəməsində T.Qaramizadə, H.Hüseynov və B.Rəfiyevin barələrində üç aylıq həbs qətimkan tədbiri seçilib.


Xəbəri paylaş

5268 dəfə oxunub.

Digər xəbərlər
bütün xəbərlər
____ Instagram ___