Müdafiə Nazirliyinin baş zabitlərinə hökm oxundu

Müdafiə Nazirliyinin baş zabitlərinə hökm oxundu - 25 il 6 ay
Tarix: 14-02-2016 | Saat: 15:56
Bölmə:Karusel / Hadisə / M2 | çapa göndər

Şirift ölçüsü:

Məhkəmə prosesi yekunlaşıb.

Gəncə Hərbi Məhkəməsində Müdafiə Nazirliyinin rüşvət almaqda təqsirləndirilən vəzifəli şəxslərinin məhkəmə prosesi başa çatıb.

Xəbəraz.az xəbər verir ki, “Qafqazinfo”ya daxil olan məlumata görə, işə hakim Əlizamin Abdullayevin sədrliyi ilə keçirilən prosesdə hökm oxunub.

Müdafiə Nazirliyinin Baş Hərbi İnspeksiyasının Hərbi Hava Qüvvələri şöbəsinin baş zabitləri - 1974-cü il təvəllüdlü Seymur Ağayev və 1973-cü il təvəllüdlü Ələsgər Musayev Cinayət Məcəlləsinin 311.3.1-ci (rüşvət alma – qabaqcadan əlbir olan bir qrup şəxs və ya dəstə tərəfindən törədildikdə), inspeksiyanın planlaşdırma şöbəsinin baş zabiti, 1976-cı il təvəllüdlü Rövşən Məmmədli isə Cinayət Məcəlləsinin 311.3.3-cü (rüşvət alma - külli miqdarda törədildikdə) maddələri ilə təqsirləndirilirlər.

Seymur Ağayev və Ələsgər Musayev birlikdə 1800 manat, Rövşən Məmmədli isə 40 min manat rüşvət almaq ittiham olunur. Onlar yoxlama apardıqları hərbi hissələrdə aşkarladıqları çatışmazlıqları gözardı etmək üçün rüşvət alıblar. Rüşvət aldıqları hərbi hissələr Gəncə korpusuna daxildir.

Dövlət ittihamçısı çıxış edərək hər üç təqsirləndirilən şəxsə 8 il 6 ay müddətinə azadlıqdan məhrum edilməsini istəyib. Məhkəmənin hökmü ilə təqsirləndirilənlərin hər biri 8 il 6 ay müddətinə azadlıqdan məhrum edilib.

Qeyd edək ki, Müdafiə Nazirliyinin yaydığı məlumatda bildirilir ki, inspeksiyanın əməkdaşları hərbi xidmət vəzifələrinin icrası zamanı yol verdikləri ciddi qanun pozuntularına görə Müdafiə Nazirliyi rəhbərliyinin göstərişi əsasında müvafiq araşdırma aparılıb və toplanmış materiallar qanuna müvafiq tədbir görülməsi üçün Azərbaycan Respublikasının Baş Prokuorluğa göndərilib.

Həmin materiallar əsasında Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsi tərəfindən cinayət işi başlanılıb.

Xəbəri paylaş

7848 dəfə oxunub.

Digər xəbərlər

20-08-2017, 17:03 Bu gün maestro Niyazinin anadan olmasının 105-ci ildönümüdür

25-04-2017, 13:25 7 xəstəliyə çarə olan QULANÇAR

8-11-2018, 17:50 Sevdiyi qızın başqasıyla nişanlandığını eşidib özünü asdı - Azərbaycanda dəhşətli intihar

5-06-2023, 10:55 Bu şəxslər 12 min manatadək cərimə ediləcəklər - Məcəlləyə dəyişiklik

22-11-2017, 11:42 Britaniya səfirindən "Qarabağ"-"Çelsi" oyunu ilə bağlı paylaşım

2-10-2015, 12:26 Azərbaycanda məcburi köçkünlərin maddi vəziyyəti yaxşılaşdırılır

10-07-2015, 10:31 Bakıda hündürmərtəbəli binada güclü yanğın olub

17-12-2016, 12:04 Siqaret çəkmək istədi, 16-ci mərtəbədən düşüb öldü - BAKIDA

4-03-2016, 20:09 İtlə robotun davası — VİDEO