ABŞ-ın Ohayo ştatındakı Nyu-Franklin şəhərinin sakini, 34 yaşlı Emili Müllerin ilk hamiləliyi yarımçıq qalmışdı. O, bətnindəki uşağı salmışdı.

Səbəb onun vücuduna minlərlə arı cəlb etməsi idi.

Xeberaz.Az bildirir ki, Emili bədəninə bal sürtərək tərpənməz dayanmış, arılar onun qarnına, boğazına, üzünə doluşmuşdular. Emili belə vəziyyətdə bir neçə foto çəkdirmişdi.

Emilinin bədənində 16 mindən artıq arı vardı.

2017-ci ildəki bu fotosessiya Emilinin hamiləliyini yarımçıq bitirmişdi. Həkimlərin dediklərinə görə, fotosessiya zamanı qadını dəfələrlə arı sancıb və bu sancmalar hamilə qadının orqanizmində güclü allergik reaksiyaya səbəb olub.

Emili bu dəfə boynuna piton ilanı dolayaraq şəkillər çəkdirib.

Dediyinə görə, son fotosessiyasını doğulmamış ölən oğluna həsr edib.

Emili əri, 34 yaşlı Ryan ilə birlikdə "Mueller Honey Bee Rescue" adlı təşkilat yaradıb və bal arılarının qorunması ilə məşğul olur.

Üç övladı (11 yaşlı Kedin, 4 yaşıl Madlenn və 2 yaşlı Uestin) olan Emili dördüncü övladını səbirsizliklə gözlədiyini deyir.

Mütəxəssislər isə hamilə qadının ilanı boynuna dolamasının bətndəki körpə üçün "gərəkli proses" olmadığını vurğulayıblar.