Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Anamın qəbri, başdaşı, kəfəni söyülürsə, nə etməliyəm?-Sevda
Tarix: 18-01-2018 | Saat: 10:04
Bölmə:Karusel / Şou-Biznes | çapa göndər


Son zamanlar şəxsi həyatı ilə gündəmi zəbt edən müğənni Sevda Sanaliyeva Beynəlxalq Mətbuat Mərkəzində mətbuat konfransı keçirib. 
Vəkili və mətbuat katibi ilə konfransa qatılan ifaçı bu sözləri deyib: 

“Çox istəyərdim ki, bu gün sizin qarşınızda şəxsi həyatımla bağlı söhbətlərlə yox, yeni mahnılarımla, kliplərimlə çıxım. Bu mövzuda danışmağa başlamamışdan öncə hər kəsdən üzr istəyirəm ki, bu cür mövzuya görə sizləri bura dəvət etmişəm. Çünki bilirsiniz ki, mən bu cür mövzularla, qalmaqallarla gündəmə gələn insan olmamışam. İllərdir bu mövzuda susdum, susmağa da davam edəcəkdim, amma mövzu sosiallaşdı, 
mən də sizi bura dəvət etdim ki, bu mövzuya burada nöqtə qoyaq. Elə sonlandıraq ki, daha bu mövzuya qayıtmayaq. Çünki bu mövzu nəinki məni, hətta ətrafımı, əzizlərimi zədələyir. Bu günə qədər insanlara özümü necə tanıtmışamsa, elə də qalmağımı istəyirəm. Siz jurnalistləri bura dəvət etməkdə məqsədim odur ki, sizdən xahiş edim, daha bu barədə yazmayasınız. Xahişimi nəzərə almasanız, hər şeyi hüquqi müstəvidə həll etməyə məcbur olacam. Mənə çox adam pis baxdı, dedilər, qayınanasını məhkəməyə verən gəlinsən. Bu, mənə də xoş deyil. Uşaqlarımın nənəsidir. Nəyə görə məhkəməyə verim? Çünki mənə olunan təhqirlərdən keçib. Mənim əzizlərimə qulaqlarınızın eşitmək istəmədiyi söyüşlər söydü. Mənim yerimə kim olsaydı, sakit oturmazdı”.

Sevda Sanaliyeva qarşı tərəflə razılığa gələ bilmədiklərini də deyib:
“Telefonla danışmışıq, amma qarşı tərəf anlayışlı deyil. Problemlərinin nə olduğunu bilmirəm. Sadəcə istəyirlər ki, onların həyatında olmayım. Hətta nəvələrini də qəbul etmir. Həyat yoldaşımın bu məsələyə qarışdırılmasını istəmirəm. Ayrı-ayrı insanlarıq və özüm qərar verə bilirəm. Əgər mənim anamın qəbri, başdaşı, kəfəni söyülürsə, nə etməliyəm? İnandırım ki, əgər sizlərdən birinə bu hərəkət olunsa, bir dəqiqə də dayanmazsınız. 4 ildir ki, qulağım dözür. Amma hər kəsə qarşı təhqir yolverilməzdir. Onlar hətta yoldaşımın birinci evliliyindən olan övladlarını belə ona göstərmirlər.”

S.Sanalıyevanın vəkili Asif Abdullayev açıqlama verib: 
“Hər kəsin şəxsi həyatı var, o cümlədən də Sevda xanımın. Ailə daxilində çox şey ola bilər. Amma artıq bu mövzu ictimailəşəndə, şəxsin iradəsinə zidd olaraq onun ailə həyatının sirri açıqlananda insan mənəvi sarsıntıya məruz qalır. Sevda xanımın xahişi ondan ibarətdir ki, onun razılığı olmadan şəxsi həyatı ilə bağlı məsələlər 
işıqlandırılmasın. Yəni bu şəxsi həyat məlumatlarının qorunma təminatı qanunvericilikdə də öz əksini tapıb. Konstitusiyanın 32-ci maddəsinə görə də şəxsin razılığı olmadan onun barəsində məlumatların açıqlanmasına yol verilmir. Sevda xanım bu günə qədər hüquqi müstəvidə heç bir addım atmayıb. Amma bundan sonra əgər yenə də təhqir, şəxsi həyatın məlumatlarının açıqlanması, jurnalistlərə ötürülməsi kimi hallar olacaqsa, həmin şəxsə qarşı artıq qanunvericilikdə nəzərdə tutulan tədbirlər görüləcək. Təbii ki, bu mesaj əsas həmin mənbəyə ünvanlanır. Sevda xanımın şərəf və ləyaqətini alçaltmağa çalışır. Biz burdan həmin şəxsə xəbərdarlıq edirik ki, bu günə qədər bu məsələ qohumluq əlaqələrinə görə hüquqi müstəviyə çıxmırdısa, artıq bundan sonra belə olmayacaq. Bu məsələyə sərt reaksiya verilməsin. Bu gün bura bu məsələnin nöqtəsini qoymaq üçün yığışmışıq. Sevda xanım ailə məsələsinin işıqlandırılmasına etiraz edir”.


Xəbəri paylaş

1 0728 dəfə oxunub.

Digər xəbərlər
14-12-2016, 14:04 Dollar 97 faiz qalxacaq

bütün xəbərlər
____ Instagram ___