“O, “Qarabağ”la oyunda çox güc sərf etmişdi” – Konte
18-09-2017, 12:43. Yazar: Xeberaz
“Belə böyük oyunlarda istənilən nəticəyə hazırlıqlı olmalısan. Çünki bilməlisən ki, bu cür matçlarda hər şey ola bilər”. Apasport.az saytının məlumatına görə, bunu “Çelsi”nin baş məşqçisi Antonio Konte deyib.
“Qarabağ”ın Çempionlar Liqasındakı rəqibi Ağdam klubu ilə qarşılaşmadan sonra dünən “Arsenal”la üz-üzə gəlib. Premyer Liqanın V turu çərçivəsində baş tutan London derbisi qolsuz bərabərliklə nəticələnib.
Oyundan sonra yerli mətbuata danışan italiyalı mütəxəssis rəqib barədə yüksək fikirlər səsləndirib: “Həm biz, həm də rəqib qələbə qazanmağa çalışdı. Matça sürətli başladıq, ilk 20 dəqiqədə üstün tərəf idik. Lakin birinci hissənin ortalarından etibarən çətinlik çəkməyə başladıq. İnsanlar unudurlar ki, “Arsenal” İngiltərənin ən güclü 6 komandasından biridi. Bu kluba qarşı yüksək tempdə oynamaq məcburiyyətindəsən. Çünki onlar yaxşı komandadı və çox güclü futbolçulara sahibdi”.
Konte aparıcı futbolçulardan olan Pedro Rodrigesi fasilədən sonra Temue Bakayoko ilə əvəzləməsinə də aydınlıq gətirib. O, ispaniyalı yarımmüdafiəçinin yüngül zədəsinin əmələ gəldiyini söyləyib: “Pedro 100 faiz hazır deyildi. Çünki “Qarabağ”la Çempionlar Liqası matçında çox güc sərf etmişdi. Bu səbəbdən də fasilədən sonra onu əvəzləmək qərarına gəldim. Həddən artıq yüklənmə onun əzələsində problem yaratdı. İndi həkim yoxlanışından keçməlidi. Ümid edirəm ki, zədəsi ciddi deyil”.
Geri dön